COCKTAIL Band

Stöhn, stöhn, stöhn
(Musik: Stöhn stöhn..... Berndeutscher Text:Monika Bärtschi)

Mit em Turban u em Siubergwand
Bi uf Reise i mim Troumland
natürlech geit grad jetz der Wecker
Los mau, was isch de jetz
s`zischt wie ne Gwitterblitz
es tuet sech öppis dert bim Stecker
E Schin, e Chlapf, u no fasch schlimmer
dr Gschtank im Zimmer
s`isch Mäntig morge
Stöhn, stöhn, stöhn... 2x
I vermuete, das isch ds Zeiche gsy
mit fu tue isch`s verby
sött uf u no dr Chopf ga wäsche
Schmiere schnäu e Ankebock
D`Heufti chläbt am Morgerock
derna verjagts no Thermosfläsche (verschla n`i no e Fläsche)
I stah verzwieflet vor dr Türe
Schlüssu chumm füre
s`isch Mäntig morge
Henu, s`isch nid so tragisch
morn isch e neue Tag
nimmsch`s gnau, git`s immer öppis ds stöhn, stöhn, stöhne
Los mau, bisch gar nid einzig
wo mau i ne Fettnapf steit
grad das, das macht doch ds Läbe schön
s`hiuft meischtens we`d bi dene Sache
härzhaft chasch lache
anstatt Di ds närve
Outo, fahre
birgt hüfe Gfahre
ha ungerwägs e Pneu verlore
Im Gschäft de, hop u hü
Bi näb de Schue es mü
Si hei der Tagesdepp erkore
Die guete Geischter sy grad nid da
we`d se mau söttsch ha
Si hei haut Mäntig
Henu, s`isch nid so tragisch
morn isch e neue Tag
nimmsch`s gnau, git`s immer öppis ds stöhn, stöhn, stöhne
Los mau, bisch gar nid einzig
wo mau i ne Fettnapf steit
grad das, das macht doch ds Läbe schön
s`hiuft meischtens we`d bi dene Sache
härzhaft chasch lache
anstatt Di ds närve
Henu, s`isch nid so tragisch
morn isch e neue Tag
nimmsch`s gnau, so isch doch ds Läbe schön
schön, schön, schön 2x
schön, schön, schön, schön, schön