COCKTAIL Band


Direkt zum Seiteninhalt

redeischsilber



Rede isch silber
Musik: All out of love (Air Supply) Berndeutscher Text: Kathy Persello / Beat Gfeller

Du hesch es geng gseit, i syg nümm dr glych

Nümm so wi ni mau syg gsy
Du hesch immer gmeint dass mir das nüt usmiech
Hesch gloge, Ds Vertroue wird chly
Die herrlechy Zyt, die schynt mir so wyt
Drum ziehn i mi zrügg gsehs nümm himublau
Ke zärtleche Blick, me drinne liegt
Warum das so isch, weisch genau
weisch ganz genau.
I mir isch es läär, stah einsam am Fänschter
I Luege i d Nacht, mi Chopf isch vou Gspänschter
Hätsch meh söue dänke, bevors hesch verheit gha
Jetzt isch es haut z späht, ha Di us mim Härz entlah.
I ha geng gmeint, heig e Vouträffer gha
i ha das brucht, nid nume aus Spiel
u plötzlech het aues, nümme verha
ohni Di bini gar nümme viel
Was machsch äch jetzt grad, mis Gfüeuh spielt verruckt
Wo bisch i däm Ougeblick
Gedanke bi Dir, mis Härz zäme zuckt
Di z verliere, bricht mir fasch ds Gnick
Fasch mis Gnick
I mir isch es läär, stah einsam am Fänschter
I Luege i d Nacht, mi Chopf isch vou Gspänschter
Hätsch meh söue dänke, bevors hesch verheit gha
Jetzt isch es haut z späht, ha Di us mim Härz entlah.
Ja……
Rede sig silber, hesch gseit
Untröii Gold, hesch gmeint
Vertroue syg Gold, han I gmeint
Rede wär Gooooooud gsy….
I mir isch es läär, stah einsam am Fänschter
I Luege i d Nacht, mi Chopf isch vou Gspänschter
Hätsch meh söue dänke, bevors hesch verheit gha
Jetzt isch es haut z späht, ha Di nümme im Härz.
Es wächslet i mir , wie Winter u Summer
S git öpper mit Freud u Öper mit Chummer
Mit Rucksack u Koffer, gsehn i Di dert loufe
Z vertroue vo mir, chasch äbe nid choufe
I mir isch es läär, stah einsam am Fänschter
I Luege i d Nacht, mi Chopf isch vou Gspänschter
Hätsch meh söue dänke, bevors hesch verheit gha
Jetzt isch es haut z späht, ha Di us mim Härz entlah.
I mir……


Zurück zum Seiteninhalt | Zurück zum Hauptmenü