COCKTAIL Band

Ogi hie Ogi da
(Musik: Opla di,opla da Berndeutscher Text: Beat Gfeller/Michael Flückiger)

G houe oder gstoche dür d wang chopfsvora
Dümli dräie das isch ihm e Grus
nie im Läbe gäb är d`Zügu us der Hang
är steit sy Ma nie liegt är uf der fule Hut
Ogi hie, Ogi da lue dä Ma a
ja säg isch är nid e Stigg
Ogi hie, Ogi da lue dä Ma a
nei är schücht dr Ufstieg nid
het är o es Hochdeutsch
dass eim d Schueh abzieht
macht ärs mit syr Buureschlöyi wett
Mängem grosse Staatsma gyt är d`Füeteri
u dür si isig Wiue bringt är sich i ds Gred
Isch är nid im Strumpf,springt är wyt,
was gisch,was hesch
uf e Bärg tribts ne jetz,der Gipfu erreicht
grölet är lut FREUDE HERSCHT
Het är o es ugrads mau i d Sunne gluegt
Hufe Gfröits isch gwachse uf sym Mischt
Chunnt är unger d Reder lüpfts ou Ihm dr Huet
lang bits ne nid denn är blybt geng a Optimischt