COCKTAIL Band

Manne mit Schnöiz
(Musik:Alex Eugster Berndeutscher Text:Fredy Lienhard/Beat Gfeler)

Refrain:
Manne mit Schnöiz
si öppis Gfröits
Manne mit Schnöiz
si öppis Gfröits
Manne mit Schnöiz,s`isch öppis dranne
Manne mit Schnöiz,das si no Manne
Manne mit Schnöiz hei öppis uf dr Pfanne
Manne mit Schnöiz - hei Speuz
1.
Der Eint macht Bodybuilding het a wahre Muskelbärg
dernäbe isch der gwöhnlech Stärblech fasch e Gartezwärg
der ganzi Körperbou het Forme wiene Gugelhopf
vor luter Müüs am Oberarm gsesch fasch nüt meh vom Chopf
Doch nützt das aues nüt, s`geit leider nid nume um ds Gwicht
es brucht derzue e Schnouz ,i jedem Manne - Gsicht
2.
Das het doch scho der Bronsen gwüsst,es Mannsbild brucht e Schnouz
es brucht ke Risekörperbou,es Schnöizli bruchts,de houts
was nützts we eine stundelang im Fitnessclub trainiert
we ds Gsicht so füdleblutt usgseht, nume wüus ke Schnouz verziert
E Chopf so ohni Schnouz gseht wie`nes Babyfüdle dry
e Schnouz bruchts im ne Gsicht so wie `nes Tüpfli uf em "I"
3.
E Schnouz schützt eim vor Sunnebrand u git im Winter warm
git nötigs Säbschtbewusstsy u e raffinierte Charm
nume mit Schnouz gschbührsch Du d`Finesse vomne zarte Kuss
u we no Schoggi drinnehanget hesch der doppelt Gnuss
är fiuteret die dräckig Luft u putzt bim Trinke ds Bier
e Schnouz isch zwöitens praktisch, aber erschtens isch`s e Zier.