Bibeli
(Musik: Tschou zäme
Berndeutscher Text: Tschou zäme / Beat Gfeller)
Wie jede Morge schleppe i mi us em Bett
u stüre mit unsichrem Schritt
für ne ersche Check vor e Spiegu i mis Bad
us de Ouge riben i mir Pflotsch u Ruess
när gniess i mi vo kopf bis Fuess
doch woni gnauer luege trifft mi fasch dr Schlag
I ha nes Bibeli,uf em Nasespitz
i ha nes Bibeli,u gopfridschtutz grad jetz
wo ni mir doch hüt no soviel vorgnoh ha
i ha nes Bibeli,uf em Nasespitz
mis Bibeli isch gwachse wie der Blitz
u lüchtet es cha niemerem entgah.
Dä Tiefschlag am Morge früeh verdoui schlächt
u finde mi nid ab mit soviel Päch
dä Bibu springt doch jedem grad i ds Oug
dadergäge muess jetzt eifach öpis gah
I cremele u säubele u drücke dra
doch han I leider nume mässige Erfoug
I ha nes Bibeli....
Mit gmischte Gfüeuh verlani ds Hus,
i gspühre das geit nid guet us
das Stopliecht i mim Gsicht wo füehrt das hie
U plötzlech gsehn I Di vor mir Du redsch mit mir
u I gseh gly,dass i nid einzig mit däm Lide bi.
Du hesch es Bibeli .....
Mir hei es Bibeli .....